Saturday, May 18, 2024

Cebu: Amahan nasikop human gipasanginlan nga nanglugos sa mismong anak

- Advertisement -

Tingkagol karon sa prisuhan ang usa ka amahan human nasikop sa pasangil nga pagpanglugos.

Nahitabo kini sa usa sa mga Barangay sa lungsod sa Argao, probinsya sa Sugbo.

Ang biktima nagpanuigon og 14 anyos, dalagita ug tinun-an sa Grade 8 sa maong lungsod.
Nagpanuigon usab ang suspetsado og 49 anyos, biyudo, manaka-ay og lubi.

Sa inbestigasyon sa Women and Children Protection Desk (WCPD) sa Argao Police Station nasayran nga nidangop sa ilang buhatan ang apogan sa biktima.

Sa pasangil nga gilugos daw siya sa mismong niyang amahan niadtong adlaw nga Domingo, Abril 14, 2024 ug gisegundaan kini pagka Lunes sa kadlawon, Abril 15, 2024.

Nihimo dayon og lakang ang kapulisan og ilang gisikop ang suspetsado kagahapon sa alas 10:00 sa buntag.

Sa pagkakaron gipaubos pa sa inspection didto sa Pink Room Laboratory sa Vicente Sotto Memorial Medical Center ang biktima samtang giandam na usab ang kasong kalapasan sa R.A 7010. (Renante Lada)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -