Muhatag og P100,000.00 nga ganti si Cebu City Acting Mayor Garcia sa makatudlo sa mga suspetsado sa pagpanulis sa duha ka Jewelry Pawnshop sa dakbayan sa Sugbo.
Ang maong salapi gikan mismo sa kaugalingon bulsa ni Garcia aron mapadali ang pagkasikop sa mga suspetsado.
Dugang ni Acting Mayor Garcia nga adunay mga higala usab niya nga mga negosyanti ang mudugang sa maong ganti.
Gi-klaro ni Garcia nga ang suporta sa mga negosyanti sa dugang ganti aron paghimo nga luwas ang ubang mga negosyo sa Cebuano community.
Mahinomduman nga dili mominos sa 6 ka mga suspetsado ang nitulis sa DGC D’ Gold Chain Jewelry Store ug Macy Gold niadtong Agosto 8, 2024.
Dili moubos sa P14 milyones nga balor sa mga alahas ang nadala sa mga tulisan nga luwan sa tulo ka mga motorsiklo.
Sa maong tulis didto sa Calderon Street, Barangay Ermita pasado alas 11:45 sa buntag, nihatag og 48 oras ang acting mayor ngadto sa Cebu City Police Office sa pagsulbad niini. Sa ulahing kalbuan aduna nay suspect ang kapulisan ug na recover nga motorsiklo nga gituhuang maoy gisakyan sa mga tulisan. (Renante Socia Lada)
(Source: Cebu City PIO)