Cebu City – Mikabat ug 16 ka mga arriving flights ug 18 ka mga departing flights ang apektado ug gipang divert, human ang usa ka eroplano sa Philippine Airlines napunta sa ‘grassy area’ sa may runway sa Mactan-Cebu International Airport, pipila gutlo sa pag landing niini, Biyernes, Disyembre 10, 2021.
Kini ang gipahibaw ni Edilyth Maribojoc, Communication Affairs sa GMR-Megawide Cebu Airport Corporation.
Mipadangat na sa ilang official statement ang PAL labot sa maong insidente.
“At 11:40 am today, Philippine Airlines flight PR 2369 from Caticlan landed at MCIA runway and left the paved surface and skidded onto the grassy area portion beside the runway…,” pamahayag sa PAL.
Gipahibaw sa PAL nga luwas ra hinoon ang tanang mga pasahero ug crew members ug gi transfer na sa Terminal 1.
Matod sa maong airline company nga gipahigayon ang safe retrieval ug removal sa aircraft gikan sa runway.
“We will provide updates of the situation when available. Thank you,” dugang pahibaw sa PAL.
Ang maong aircraft dunay kini sakay nga 30 ka mga pasahero ug upat ka mga crew members.
(News & photos courtesy of Philippine Airlines | Mactan Cebu International Airport | GMR-Megawide Cebu Airport Corporation)
