Nasikop na sa Naga City Police Station ang suspetsado nga ni gulgol patay sa usa ka lolo.
Pasado alas 11:00 kagabii, Oktobre 20,2022, didto sa Brgy. Lutac, Dakbayan sa Naga.
Ang suspetsado giila nga si Joanne Omayan, 39 anyos ang panuigon, may kaipon, nagpuyo rapud sa maong lugar.
Naila ang biktima nga gipatay nga si Alfredo Alferez, 74 anyos ang panuigon, biyudo, silingan sa suspetsado.
Sa imbestigasyon sa Kapulisan sa Naga nasayran nga ang si Alferez ug Omayan nag inum og ilimnong makahubog, mga pasado alas 7:00 anang gabii sa susamang adlaw ug sa dihang nangahubog na sila nagkalalis kini nga nisampot sa pagpanigbas.
Sa pagkatumba na sa biktima gitiwasan pa kini pinaagi sa pag gulgol sa liog na maoy hinungdan sa iyang hinalaling kamatayon.
Ang pagkasikop sa mamumuno gumikan sa way hunong nga hot pursuit operation sa Naga Pulis ug sa tabang sa mga residenti sa maong lugar.
Tukmang kaso ipasaka karong adlawa batok sa mamumuno nga nihimo og niluog nga krimin. (Renante Lada, photo courtesy of Daisy Alferez Facebook post)