Annugoten ti Ilocos Norte Electric Cooperative nga agparparikut da iti pannakaisubli ti serbisyo ti koryente iti pancian ken pasaleng iti ili a Pagudpud ken ti ili ti Adams.
Kuna ni INEC General Manager Felino Herbert agdigos a nakasaganan ti INEC a mangpasubli ti koryente kadagiti nadakamat a lugar ngem marigatan da met nga agdaliasat gapu iti agtultuloy a pannakagabur dagiti kangrunaan a kalsada a sumrek iti nasao a lugar.
Itay laeng kallabes kabayatan ti idadalapus ti bagyo neneng ket limmawa manen ti paset ti kalsada ti nagaburan gapu iti panagreggaay ti bantay no sadinno a maysa pay a long arm backhoe ti naitennag iti baybay gapu iti panagreggaay ti daga nga ayanna.
Gapu kadagitoy nga insidente ket agamak dagiti taga inec a dumalyasat iti nasao a lugar tapno isubli da ti serbisyo ti INEC. (Cheena Arzadon)
(Source: Rpn Dzrl News Center | Ilocos Norte Electric Cooperative)