Giigo sa dakong sunog ang Sitio Bato, Barangay Ermita, Siyudad sa Sugbo, sa adlaw sa Miyerkulis Santo, Abril 5,2023.
Ang sunog nadawat sa kabomberohan sa Siyudad sa Sugbo pasado alas 5:42 kagahapon sa hapon, pagka alas 5:45 gisaka kini sa unang alarma, gisaka na usab sa ikaduha nga alarma pagka alas 6:15, sa alas 6:33 na under control ug pagka 6:38 na fire out kini.
Niabot sa 52 ka mga balay ang naapiktuhan sa maong sunog, 60 ka mga pamilya ug 180 ka mga individuals ug P1.8 milyon ang natala nga danyos
Sa gihimo nga imbestigasyon sa kabomberohan sa Dakbayan sa Sugbo, pinaagi ni SFO3 Wendell Villanueva, ang imbestigador, nasayran nga nagsugod ang sunog sa pinuy-anan ni Geraldine Rodriguez ug nikuyanap kini sa mga silinganan nga balay.
Nakasinati og kalisod ang mga ni respondi nga mga bombero gumikan sa ka kahuot sa agi-anan ug ka sikit-sikit sa mga balay.
Adunay upat ka mga nangaangol sa maong sunog nga daling gidala sa tambalanan.
Sa pagkakaron padayon nga gisuta kung unsay hinungdan sa pag ulbo sa dako nga sunog. (Renante Lada, photo courtesy of CCDRRMO)
