Lima ka mga lalaki ang gidakop sa kapulisan human gipatuman ang gi-raid sa giingong ilegal nga tigbakay sa Sitio Baring, Barangay Kawit, Medellin, Cebu niadtong milabay nga adlaw.
Gipahigayon sa Medellin Municipal Police Station ug mga intelligence operatives ang operasyon batok sa ilegal nga sugal. Nadakpan ang lima ka lalaki, nga nag-edad og 24 hangtod 66 anyos, nga giingong aktibong miapil sa maong tigbakay.
Matud sa kapulisan, adunay ubang mga partisipante nga nangikyas dihang nasayran ang pag-abot sa mga pulis. Gidala sa Medellin Police Station ang mga nadakpan alang sa medical examination, ug gipasaka kanila ang kaso tungod sa paglapas sa Presidential Decree No. 449 o Cockfighting Law of 1974.
Gipasalig ni Cebu Police Provincial Office Director PCOL Abubakar Udang Mangelen Jr. nga ipadayon sa CPPO ang kampanya batok sa ilegal nga sugal. Gidasig usab sa kapulisan ang publiko nga motaho sa mga ilegal nga kalihokan aron mapadayon ang kalinaw ug seguridad sa mga komunidad sa Cebu.
📸 CPPO
I via Renante Socia Lada