Nagsugod na ang tibuok bulan nga pagsaulog sa 457th Founding Anniversary sa Probinsya sa Cebu pinaagi sa usa ka seremonyas atol sa flag-raising ceremony sa Kapitolyo karong Lunes, Agosto 3. Gipangulohan kini ni Gobernador Pamela Baricuatro uban sa ubang opisyal sa lalawigan.
Ang selebrasyon gibase sa Republic Act No. 7698, nga nagdeklarar sa Agosto 6 isip espesyal nga non-working holiday sa tibuok Probinsya sa Cebu, lakip ang mga highly urbanized ug component cities.
Mitambong sa maong kalihokan si Bise Gobernador Glenn Anthony Soco, mga miyembro sa Provincial Board, mga kongresista, mayor ug bise mayor, mga department heads sa Capitol, ug mga representante sa nagkalain-laing ahensya sa gobyerno.
Natukod ang Probinsya sa Cebu niadtong Agosto 6, 1569, sa dihang gitudlo ni Haring Philip II sa Spain si Miguel López de Legazpi isip unang gobernador sa lalawigan. Tungod niini, giila ang Cebu isip labing karaang provincial government sa Pilipinas.
I via Renante Socia Lada