Nasakmit sa Police Regional Office 7 (PRO7) ang 37 ka ilegal nga armas ug hapit ₱2 milyon nga kantidad sa ilegal nga drogas sa ilang operasyon gikan Marso 15 hangtod 21, 2026.
Apil sa nakumpiskar ang usa ka explosive ug 80 ka bala sa padayon nga kampanya batok sa ilegal nga armas sa rehiyon.
Sa manhunt operations, nadakpan usab ang 101 ka wanted persons, lakip na ang 10 ka Most Wanted Persons, nga nagpakita sa kusog nga paningkamot sa kapulisan sa pagdakop sa mga kriminal.
Sa kampanya batok sa ilegal nga drogas, 202 ka suspek ang nadakpan, lakip ang 2 ka High-Value Individuals ug 12 ka street-level individuals. Nakuha gikan kanila ang 264.01 gramos nga shabu nga nagkantidad og ₱1,795,268 ug 3.10 gramos nga marijuana.
Dugang pa, 91 ka indibidwal ang nadakpan sa operasyon batok sa ilegal nga sugal, ug nakumpiskar ang ₱14,645 nga pusta.
Sumala kang PBGEN. Redrico A Maranan, nagpakita kini nga padayon ang ilang dedikasyon sa pagpanalipod sa komunidad.
Iya usab gi-awhag ang publiko nga magmatngon ug makigtambayayong sa kapulisan aron mapadayon ang kalinaw ug kahapsay sa rehiyon.
Source: PRO7
I via Renante Socia Lada