Cebu City – Labing menus 33 ka mga ballot boxes gikan sa lain-laing clustered precincts sa lalawigan sa Sugbo, lakip na ang tri-cities sa Cebu, Mandaue ug Lapu-Lapu ang gitakdang ipadala ngadto sa Commission on Election (COMELEC)-Central Office.
Kini aron ipahigayon ang Random Manual Audit (Random Manual Audit).
Matod ni Comelec Cebu Provincial Elections Supervisor Jerome Brillantes nga aron kini matubag ug pag wagtang sa ‘public doubts’;
Aron sab pagsuta kung ang automated count sa Vote Counting Machines (VCM) insakto base sa manual verification sa nahisgutang ihap.
Ang 33 ka mga ballot boxes nga dunay gibana bana nga 26,000 ka mga casted ballts gikan kini sa lain-laing polling precincts.
Gibutyag ni Sarah Cristina Reuyan, election assistant sa Comelec-Mandaue City nga dunay tulo ka mga VCM sa Barangay Banilad, Cabancalan ug Labogon ang napalyar Lunes sa buntag, Mayo 10.
Nagkanayon si Reuyan nga ang mga VCMs naayo pagka alas 3 sa hapon human kini gidala sa provincial hub.
Gipahibaw niini nga dunay pipila ka mga botante ang mihuwat nga mabalik ang VCMs samtang ang uban gibilin lang ang ilang mga balota ngadto sa Electoral board, kinsa mao nay misulod ngadto sa VCMs.
Dugang ni Reuyan nga dunay 29 ka mga official ballots alang sa Toledo City ang nasagol sa mga official ballots sa alang sa Minglanilla ug Syudad sa Sugbo ang na-ipon sa mga balota sa Barangay Pagsabungan.
Sa Special Election Coverage sa RPN DYKC, dunay botante nga mi reklamo sa pagka papas sa ilang pangan sa voters list.
Duna say giingong nabalhin ang iyang voting precinct sa lungsod sa Badian, bisan kon basi sa iyang pag-angkon nga wala siya mo transfer sa pag botar. (Jhon Tadlip)
(News & photo courtesy of Comelec-Cebu)