Kapin 3,194 ka residente sa Cordova ang nakadawat og tabang nga bugas kagahapon Huwebes atol sa pagpatuman sa Bagong Pilipinas Rice Program sa lungsod.
Gipangulohan ni Executive Secretary Ralph Recto ang pag-apod-apod sa bugas sa Cordova Sports Complex, uban ang mga opisyal sa probinsya ug lokal nga panggobyerno. Lakip sa mga nakadawat ang mga mananagat, single parents, senior citizens ug uban pang sektor sa komunidad.
Gipahigayon usab ang Bawat Barangay Makikinabang nga programa, diin gipakita ang mga proyekto sa mga barangay sa Cebu. Gitagaan usab og tabang ang mga lokal nga panggobyerno pinaagi sa Local Government Support Fund o LGSF.
Atol sa kalihokan, gitugyan ni Recto kang Governor Pamela Baricuatro ang ₱265 milyon nga pundo alang sa lain-laing programa ug proyekto sa Cebu. Matod sa gobernador, gamiton ang pundo para sa panglawas, enerhiya, farm-to-market roads ug food security programs.
Gipasiugda ni Recto nga importante ang panaghiusa sa national ug local government aron mas dali maabot sa mga katawhan ang tabang ug mga proyekto. Nagpasalamat usab si Baricuatro sa padayong suporta sa national government alang sa mga Cebuano.
📸 Cebu Province PIO
I via Renante Socia Lada