Kapin 2,848 ka habal-habal driver sa Liloan ug Compostela ang nakadawat og ayuda gikan sa Cebu Provincial Government kagahapon Martes.
Ubos sa pagpangulo ni Governor Pamela Baricuatro, matag benepisyaryo nakadawat og ₱3,000 nga fuel assistance ug 10 kilos nga bugas. Adunay 1,500 ka driver sa Liloan ug 1,348 sa Compostela nga naapil sa unang batch sa mga nakadawat.
Matod ni Gov. Baricuatro, padayon ang probinsyal nga panggamhanan sa paghatag og serbisyo ug tabang sa mga Cebuanong nanginahanglan. Sunod nga distribution sa Liloan ug Compostela ipahigayon pag-usab sa Agosto 18.
Nagpasalamat usab ang mga driver sa ayuda tungod sa pagsaka sa presyo sa gasolina ug uban pang palitonon. Matud ni Renante Cagang sa Barangay Calero, Liloan, dako kini nga tabang sa ilang panginabuhian isip mga namasahero.
Gilauman nga ipadayon sa Cebu Provincial Government ang pag-apod-apod sa fuel ug rice assistance sa ubang mga lugar sa Cebu.
I via Renante Socia Lada