Nakalas ang usa ka 17-anyos nga siklista nga human sa aksidente sa Barangay Poblacion 1, Carcar City, sa nakalabay na adlaw.
Ang aksidente nahitabo alas-3:30 sa hapon, sa national highway sa Barangay Poblacion 1, base sa CCTV footage ug imbestigasyon sa kapulisan. Padulong ang biktima gawas gikan sa usa ka eskina ug kalit lang misulod sa dalan nga maoy hinungdan sa pagkabangga sa bus. Gisulayan pa unta kini pagdala sa tambalanan apan nabugtuan kini sa iyang kinabuhi.
Sumala ni Police Staff Sergeant Mar Jone Aledon sa Carcar City Police Station, ang inahan sa biktima nga nagtatrabaho sa abroad ug ang stepfather niini dili mupasaka og kaso og gusto lang makig ariglo sa maong kumpanya sa bus.
Sa pagkakaron, nagpaabot pa ang kapulisan sa opisyal nga kopya sa kasabutan tali sa pamilya ug sa bus company aron masulat ug ma-dokumento ang settlement.
Gipasalig sa Carcar City Police nga mapadayon ang patas nga proseso, samtang gihatagan nila og respeto ang desisyon sa pamilya nga pili-on ang kalinaw ug pagsabot kaysa pagpadako sa kaso.
I via Renante Socia Lada