Cebu: 16-anyos patay sa pagpamusil sa Yati, Liloan

0
11
(Photo credits to the owner)

Nakabasan gyud sa kinabuhi ang usa ka 16-anyos nga babae ug laing duha ang nangaangol nga naa pa karon sa tambalanan, human gipauwanan ug bala sa wala pa mailhing mga suspetsado, kaganihang kaadlawn, didto sa eskina Yati, Liloan Cebu.

Nasayran sa wala pa mahitabo ang pagpamusil, ang mga grupo sa mga batan-on nag standby sa gawas sa usa ka Convenience store sa maong lugar, ug kalit lang miabot ang 5 ka mga suspetsado luwan sa duha ka mga motorsiklo nga Xrm ug Suzuki Smash.

Nakuha sa CCTV Camera sa maong tindahan, nga ang angkas sa Suzuki Smash nga motorsiklo, nga nagsul-ob ug Full Face Helmet maoy nipusil ug ang mga kauban niini maoy nagsilbing lookout.

Away sa gang ang gitan-aw karon sa kapulisan sa Liloan nga posibling motibo sa pagpamusil, human ang mga biktima nasayran nga giingong mga miyembro matod pa sa gang nga Crips.

Ang mga biktima pulos lumolopyo sa maong lungsod ug ang namatay giila nga si Alyza Wagas, 16 samtang ang naangol mao sila si John Lloyd Intan, 18 anyos, ug laing 17 anyos. (Ting Joe Pepito | Renante Lada)

Leave a Reply