Mihimo dayon og lakang ang Command Control Center sa Cebu City alas 8 sa buntag, Miyerkules, Setyembre 3, human 15 ka mga children in conflict with the law (CICL) ang misulay ug naka-eskapo sa Operation Second Chance facility sa Barangay Kalunasan, siyudad sa Sugbo.
Pasado alas 9 sa buntag, 12 sa maong mga menor ang na-rescue ug nabalik na sa pasilidad. Ang tulo pa ka mga nakalingkawas gipanid-an karon sa mga otoridad.
Sumala ni Konsehal Dave Tumulak, ang insidente nahitabo pasado alas 6:45 sa buntag atol sa schedule sa paglabay sa basura. Giingon nga nakalusot ang mga menor dihang giablihan ang gate sa maong pasilidad.
Dugang pa ni Tumulak, gilihok karon sa mga otoridad ang search and rescue operation aron mapangita ug mabalik ang tulo pa ka wala ma-rescue nga mga CICL.
Nagpadayon ang imbestigasyon sa insidente aron masuta kung unsaon malikayan nga kini usab mahitabo sa umaabot.
I via Renante Socia Lada