Dili makadagan sa balaod ang mga wanted persons sa Central Visayas human ang Police Regional Office 7 (PRO-7) naglusad og tulo ka adlaw nga manhunt operations nga misangpot sa pagdakop sa 134 ka indibidwal, lakip na ang 16 ka most wanted persons ug 118 ka ubang pinangita sa balaod.
Gipahigayon ang operasyon gikan sa Marso 17 hangtod Marso 19, 2025, diin gipasiugdahan ang istrikto nga pagpatuman sa mga warrant of arrest.
Ang mga nadakpan nag-atubang og seryosong mga kaso sama sa pagpamatay, pagpanamastamas, pagpangawat, ilegal nga drogas, ug uban pang kriminal nga kalapasan.
Sumala ni Police Brigadier General Redrico Atienza Maranan, ang maong kalampusan usa ka timaan sa padayon nga paningkamot sa kapulisan sa pagdakop sa mga pugante ug paghatod kanila sa hustisya.
Ang mga nadakpan kasamtangang anaa na sa kustodiya sa kapulisan ug gi andam ang angay nilang mga kaso.
Samtang padayon ang kampanya sa PRO-7 batok sa kriminalidad, gidasig usab ang publiko sa pagpakigtambayayong sa mga otoridad aron mapadayon ang kahapsay ug kalinaw sa rehiyon. (Renante Socia Lada)
(Source: PRO-7, PIO)