Sa ulahi na kalambuan sa Sinulog 2024 muabot ngadto sa 123 ka mga musalmot sa grand parade karong Enero 21, 2024, didto sa South Road Properties (SRP).
Sa nasayran gikan sa Cebu City Public Information Office na gipatawag ni Cebu City Mayor Michael L. Rama, kauban sila si Konsehal Jocelyn Pesquera, Sinulog Over-all Overseer Cynbeth Orellano, City Administrator Collin Rosell, ug Engr. Suzanne Ardoza, diin ilang na hisgutan ang mga muapil sa grand parade.
Aduna puy mga “added attraction” nga mao ang “cosplay”, diin makita ang nagkalainlaing mga nag-costume nga nagsundog sa mga tawo sa pelikula, libro, video games, anime, ug uban pa.
Gitataw ni Mayor Rama na “almost final” na o hapit na gyud mahuman kung pila gyud ang gidaghanon sa mga mangapil.
“Wala pa gyud kini na-final kay lagi karon pa mang tungang gabii ang tagal sa pagparehistro sa mga gustong moapil sa sayaw (Free Interpretation o Sinulog-based), higante, ug puppeteer nga mga kategoriya,” matod sa Cebu City PIO.
Dugang pa nga sa Cebu City PIO “mahitungod sa mga manayaw sa Sinulog, moabot na kini sa 17 ka buok, walay labot ang “guest performers” nga ang Cebu City Government, ChunCheon Nongak Preservation Association sa Korea, Bacolod Masskara Festival sa Bacolod City, ug ang Bureau of Fire Protection Region 7.”
(Renante Socia Lada)
(Source: Cebu City PIO)