Indagadag iti Direktor ti Ilocos Police regional a ni Brig. Gen. Lou Evangelista kadagiti 238 a pulis a nagturpos iti innem a bulan a Public Safety Field Training Program (PSFTP) a saanda kuma a malipatan ti panggepda bayat ti graduation ceremony a naangay iti Ilocos Police Regional Office sadiay San Fernando City, La Union.
Kiniddaw ni Evangelista kadagiti opisial ti polisia a laglagipenda a ti polis ket maysa a propesion ti serbisio ken binalakadanna ida a sumangpetda iti trabaho iti umiso a tiempo, ipagpannakkelda ti panagisuotda iti unipormeda, ken pulos a dida agtignay a naibatay laeng iti emosion.
Kabayatanna, kinuna met iti Ilocos Police Information Office, naangay ti panagsanay dadagiti baro a polis kadagiti nadumaduma nga estasion ti polis iti Pangasinan, La Union, Ilocos Norte ken Ilocos Sur.
Innayonna a maipakaammo dagiti areas of assignment dagiti baro a polis kadagiti sumaruno nga aldaw. (Rod Sadian)
(Source: Provincial Government of Ilocos Norte)