Naluwas ang 11 ka pasahero sakay sa usa ka motorbanca nga gikatahong wala makabalik niadtong, Enero 26, 2025, sa alas 11:47 sa gabii, human mobiya gikan sa Capitancillo Islet, Bogo, Sugbo.
Ang insidente gireport sa Coast Guard station sa Tubigon, Cebu. Dayon nga nagpadala og mga personnel gikan sa CGSS Tabogon, kauban ang Tabogon Bantay Dagat, aron magsugod sa search and rescue (SAR) operations. Apan tungod sa kabati sa panahon, gi-suspenso una ang operasyon.
Niadtong Enero 27, 2025, alas 10:18 sa buntag, nakit-an ang nawagtang nga motorbanca mga 10 nautical miles gikan sa baybayon sa Barangay Tabunok, Sogod, Cebu. Ang 11 ka pasahero naluwas sa tabang sa mga lokal nga mangingisda ug gidala ngadto sa Port of Sogod. Gisusi usab sila medikal sa Juan B. Dosado Memorial Hospital.
Ang imbestigasyon nagpadayon aron masuta ang posibleng legal nga responsibilidad sa tag-iya ug operator sa bangka.
Sa pamahayag sa Coast Guard District Central Visayas nga pinangulohan ni Commodore Weniel A. Azcuna PCG, ilang gipasalig ang ilang determinasyon sa pagpanalipod sa kaluwasan sa mga komunidad sa dagat. (Renante Socia Lada)