CEBU: 10-HEKTARYA NGA FISHPOND SA PINAMUNGAHAN, GAMITON PAG-USAB SA KAPITOLYO SA SUGBO

Giplano sa Cebu Provincial Government nga gamiton pag-usab ang 10-hektaryang fishpond sa Cebu Provincial Aquaculture Development Center sa Pandacan, Pinamungahan.
Niadtong Agosto 26, 2026, mibisita si Ms. Gigi Sanchez, Provincial Consultant on Agriculture sa Cebu Province, uban sa iyang team aron inspeksyunon ang maong fishpond. Nakighinabi usab sila kang Vice Mayor Jessica Baricuatro ug Councilor Ellen Limocon, nga miuban sa on-site inspection.
Matod ni Sanchez, dugay nang wala magamit ang fishpond tungod kay dili kini prayoridad kaniadto. Apan karon, dako kini og papel sa paghatag og bangus fingerlings alang sa 130 ka fish cage units sa Cebu Province ubos sa pagpangulo ni Governor Pamela Baricuatro.
Gilauman nga hingpit nang magamit ang fishpond isip bahin sa Agri-Fisheries Program sa probinsya. Nagpadayag usab og interes ang Lamac Cooperative, nga girepresentahan ni Chairman of the Board Marcial Menchavez, nga motabang sa pagpalambo sa lugar isip posibleng tourist destination.
Lakip sa team nga miapil sa maong kalihokan sila Noel Tabasa, Consultant on Water Development Projects; Christine Libradilla, Agri-Fisheries Division Representative; Edgar Bayhante; Eden Donan; ug Irenea Panarez.
📸 Ms. Gigi Sanchez
I via Renante Socia Lada