Patay ang usa ka 1-anyos nga batang babaye human naapil sa sunog nga nahitabo sa ilang panimalay alas 3:45 sa hapon, Disyembre 29, 2024, sa Purok Periko, Barangay Taytayan, Dakbayan sa Bogo, Sugbo.
Sa nasayran nga atol sa maong insidente, ang bata natulog samtang ang iyang upat ka mga maguwang nga menor-de-edad nagdula og computer. Ang amahan, nga usa ka delivery driver, wala sa panimalay kay nag-duty, samtang ang inahan nagtrabaho sa Manila.
Gibuhat ang tanang paningkamot sa mga kabanay ug silingan nga maluwas ang bata, apan wala kini masalbar gikan sa sunog.
Ang sunog nakadaot og kantidad nga gibanabana sa PHP 2,000. Sa pagkakaron, nagpadayon ang imbestigasyon sa Bureau of Fire Protection (BFP) ug Philippine National Police (PNP) aron masuta ang hinungdan sa sunog. (Renante Socia Lada)