Nadakpan ang usa ka 37-anyos nga babaye nga nailhan sa alyas “Jane” atol sa usa ka joint anti-drug operation sa kapulisan ug PDEA alas 11:08 sa gabii, Agosto 22, 2025, sa M. Logarta Street, Barangay Subangdaku, Mandaue City. Ang suspetsado residente sa Barangay Sawang Calero, Cebu City.
Giingon nga si “Jane” usa ka high-value individual (HVI) sa illegal drug trade. Sa operasyon, nakuha gikan kaniya ang gibana-banang 2.5 kilos nga shabu nga may market value nga mokabat og ₱17 milyon.
Ang operasyon gihimo sa mga personahe sa CIU/CDEU sa Mandaue City Police Office, RID7, RPDEU/RSPU, PDEG7, ug PDEA Regional Office 7. Gipangulohan kini ni IO II Charlie Magne Cordova uban sa mga kauban sa PDEA.
Human sa pagdakop, ang suspetsado gipahibalo sa iyang mga katungod ug sa hinungdan sa kaso batok kaniya, pinaagi sa pinulongan nga masabtan niya.
Ang nadakpan karon nag-atubang og kaso ubos sa Sec. 5 ug Sec. 11, Article II sa Republic Act 9165 o ang Comprehensive Dangerous Drugs Act of 2002.
Source: MCPO