Nasakmit sa mga operatiba sa Police Regional Office (PRO) 7 ang kapin usa ka kilo nga gituhuang shabu nga nagkantidad og ₱6.8 milyon atol sa usa ka buy-bust operation sa Barangay Centro, Tubigon, Bohol, niadtong Oktubre 11, 2025.
Ang operasyon nga gihimo sa Tubigon Municipal Police Station ug Bohol Police Provincial Office (BPPO) miresulta sa pagdakop sa usa ka dakong drug suspect human kini namaligya og usa ka pakete sa shabu sa usa ka pulis nga nagpailang mamalitay.
Nakuha gikan sa suspetsado ang pipila ka heat-sealed plastic packs nga adunay gituhuang shabu, buy-bust money, ug mga gamit sa pagbaligya og drogas.
Ang nasakmit nga iligal nga drogas nga may gibug-aton nga kapin 1,000 gramos gidala sa Bohol Provincial Forensic Unit para sa eksaminasyon, samtang ang suspetsado gilakip sa kustodiya sa Tubigon Police Station ug atubangon ang kaso ubos sa Republic Act 9165 o Comprehensive Dangerous Drugs Act of 2002.
Sumala ni PBGEN Redrico A. Maranan, Regional Director sa PRO-7, iyang gipamatud-an ang mga pulis sa Tubigon sa ilang lug-on nga kampanya batok sa drogas.
Source: PRO7- PIO
I via Renante Socia Lada