Nadakpan sa mga operatiba sa Talisay City Police Station ubos sa Cebu Police Provincial Office (CPPO) ang usa sa labing gipangita nga kriminal sa Central Visayas atol sa operasyon sa Barangay Lawaan 2, Talisay City, alas-9:30 sa buntag, Oktubre 10, 2025.
Ang suspetsado, 24 anyos, maoy giila nga Top 4 Regional, Top 2 Provincial, ug Top 1 Municipal Most Wanted Person. Gidakop siya pinaagi sa Warrant of Arrest alang sa lima ka kaso sa rape ubos sa Article 266-A paragraph 2 sa Revised Penal Code. Ang maong mga kaso gi-issue ni Judge Romeo Abello Reyes Jr. sa Family Court Branch 7, Talisay City, nga walay piyansa nga gitugotan.
Ang kalampusan sa operasyon resulta sa hugot nga koordinasyon ug intelihensiya tali sa Talisay CPS, tracker teams, ug Provincial Intelligence Unit.
Si PBGEN Redrico A. Maranan, Regional Director sa PRO-7, mipasidungog sa mga operatiba sa ilang kalampusan.
“Every arrest of a most wanted fugitive is proof that our men and women in uniform never tire in their mission to uphold the rule of law,” segon ni PBGEN Maranan.
Ang suspetsado karon anaa na sa kustodiya sa kapulisan alang sa dokumentasyon ug dugang nga legal nga proseso.
Source: PRO7- PIO
I via Renante Socia Lada