Duha ka tigpayuhot og ginadiling drogas ang nadakpan human sa duha ka lain-laing buy-bust operations nga gihimo sa Cebu City Police Office (CCPO) sa gabii sa Disyembre 29, 2025. Nasakmit sa operasyon ang kinatibuk-ang 315 gramos nga gituhuang shabu sa Cebu City.
Sa alas 11:05 sa gabii, ang mga sakop sa Police Station 4, CCPO, kauban ang Philippine Drug Enforcement Agency Region 7 (PDEA7), nagpahigayon og buy-bust sa Barangay Banilad, Cebu City.
Nadakpan ang usa ka high-value drug suspect ug nasakmit ang 165 gramos nga gituhuang shabu nga nagkantidad og ₱1,122,000.00, apil na ang drug paraphernalia.
Sa wala pa kini, sa alas 9:00 sa gabii, ang personnel sa Police Station 2, CCPO, usab kauban ang PDEA7, nagpahigayon og buy-bust sa Urgello Street, Barangay Sambag 1, Cebu City. Nadakpan usab ang usa ka drug suspect ug nasakmit ang 150 gramos nga gituhuang shabu nga nagkantidad og ₱1,020,000.00, apil ang drug paraphernalia.
Ang tanan nga nasakmit nga shabu gipadala sa Cebu City Forensic Unit 7 para sa laboratory examination. Ang mga nadakpan karon anaa sa custody sa pulis samtang giandam ang kaso batok nila ubos sa Republic Act No. 9165 o Comprehensive Dangerous Drugs Act of 2002.
Giingon ni PRO7 Regional Director PBGen Redrico A. Maranan nga ang mga operasyon nagpakita sa padayon nga kampanya sa pulis batok sa illegal drugs.
Gi-awhag usab sa PRO7 ang publiko magpadayon sa pagreport sa tanang kahibulongan o suspetsado nga aktibidad sa pinakaduol nga police station aron matabangan ang tibuok komunidad sa pagpakunhod sa illegal drugs.
Source: PRO7 PIO
I via Renante Socia Lada