Cagayan de Oro City – Dako ang paglaum ni bise mayor Kikang Uy nga mapakgang ug masumpo gayud ang pagkaylap sa corona virus kun adunay kooperasyon sa tanan.
Mao kini ang panahom sa bise mayor human si mayor Oscar Moreno mipakanaug sa upat ka executive orders nga nagmando alang sa focused containment o’ kwarantina sa upat ka mga dapit sa syudad human natala ang local transmission sa mga positibo sa Covid 19.
Taliwala nga ang atong klasifikasyon sa dakbayan sa Cagayan de Oro low risk are alang sa Covid 19, dili gihapon mahimong magkompyansa tungod kay dili gayud nato gakakita ang atong kontra, dugang ni bise mayor Uy.
Lakip sa mga lugar nga gipailalom sa kwarantina mao ang NHA Phase 1, Gona, Kauswagan; San Juan Tabaco, District 1, Puntod; portion sa Phase 2, Zone 9, Carmen; portion sa Zone 6, Gawad Kalinga Relocation, Sitio Gemilina, Bugo; portion sa Zone 3, Bayabas; Cluster Bayanihan sa Purok 3, Gusa; Talidhay, portion sa Zone 2, Cugman; Zone 1, CELRAI, District 7, Puntod; bahin sa Barra proper, Macabalan, ug portion sa Purok 4A, Gusa.
Siya mipasabot nga tumong sa pagpahigayon sa maong localized nga kwarantina mao nga malikayan ang pagkaylap sa virus tungod kay mapugngan man ang pagsulod sa mga outsiders nga ma-expose sa sakit ug mapadali usab ang contact tracing sa mga kabanay o’ nakahimamat sa mga nagpositibo.
Mabuntog nato kini nga pandemya pinaagi sa pagsinabtanay, panaghiusa ug pagtambayayong aron dili masayang ang sakripisyo sa atong mga frontliners. Kun mamahimong magpuyo sa balay, mao kana ang atong matabang sa gobyerno, pangaliyupo ni bise mayor Kikang Uy. (Sangguniang Panlungsod)