Cagayan de Oro City – Laing Temporary Treatment Management Facility o TTMF ang ipahimutang sa syudad sa wa pa gibutyag nga dapit tungod sa nagkataas nga numero sa local COVID-19 cases sa Cagayan de Oro. Mao kini ang gisugilon ni City Mayor Oscar Moreno dugtong sa pagdonar sa Polymedic Plaza sa 25 ka mga higdaanan alang sa COVID-19 patients.
Sa gibutyag sa mayor atol sa usa ka press briefing ang ipahimutang nga facilidad dumalahon susama sa usa ka infirmary nga suportado sa JR Borja General Hospital, segun sa commitment usab ni Dr. Ramon Nery, ang hepe sa maong tambalanan. Gidugang ni Moreno nga ang nahisgutang facility ipahimutang duol sa Northern Mindanao Medical Center (NMMC) aron nga sa higayon nga ang pasyente nagkinahanglan sa immediate medical attention, dali ra mga maatiman.
Subli nga gitin-aw ni Mayor Moreno nga kinahanglang protektahan ang NMMC sa sobrang pagpahimutang sa mga pasyente sa COVID-19 diin kadtong mild to moderate cases ang ipahimutang sa quarantina. Siya nagmalaumon usab nga ang ubang local governments apil ang probinsya sa Misamis Oriental mohimo usab sa TTMF aron maplastar ang pagpangabot sa mga local COVID cases niini. (City Information Office)