Cagayan de Oro City- Gitin-aw ni Mayor Oscar Moreno sa dakbayan sa Cagayan de Oro nga ang lokal nga kagamhanan dili momando sa pagpalockdown sa Alwana Business Park sa Cugman nga walay ebidensya sa gikataho nga adunay mga langyaw sa maong lugar nga nagdalag hulga sa panglawas sa katawhan. Kini maoy tubag sa Mayor tapos gisugyot ni City Councilor George Goking ang maong lakang may kalambigitan sa kaso sa novel coronavirus.
Ang Alwana naa nahimutang ang Marco Hotel ug usa ka subdivision diin naa usab sa maong hub ang daghang business establishments .
Matud pa sa City Information Office nga kon walay igong basehanan ang maong sugyot, dli pasirhan ni Mayor Moreno ang maong dapit. Si Moreno nagpahimangno usab batok sa racial discrimination.
Labot sa maong kabalaka, usa ka team nga gilangkoban sa police ug health authorities nga gipamunuan ni city health ifficer Dr Lorraine Nery ang miduaw na sa Alwana diin adunay giingong Intsik nga namatay niadtong Enero 31 apan wala silay nakitang ebidensya, matud pa sa City Information Office.
