CDO, Illegal Mining Free Na

Gibutyag ni Engr. Armen Cuenca, hepe sa City Local Environment and Natural Resources Office nga libre na sa illegal mining operations ang syudad sa Cagayan de Oro. Mao kini ang gibutyag sa maong opisyal tapos nahanaw na ang mga hydrolic mining nga nakapahugaw sa Iponan River, matud ni Cuenca.

Gibutyag sa maong hepe nga tungod sa maong kahimtang, namalik na ang isda sa suba ug tin-aw na ang tubig  sa Cagayan de Oro River.

Dugtong niini, sila karon nanawagan sa publiko nga isumbong sa ilang buhatan ang tanang illegal nga matang sa pagmina aron ilang manbantayan kini nga mga kalihokan ilabi na sa mga hilit nga kabaranggayan.