Cagayan de Oro City – Inay nga mopatuman sa lockdown, ang local governments angayan na magpahimutang sa dugang isolation and treatment facilities ang seguraduhon nga ang mga constituents mosunod gayod sa minimum public health standards diha sa ilang pagpuyo silong sa New Normal. Mao kini ang hagit ni Ariel Hernandez, ang special assistant to Inter-Agency Task Force (IATF) chief implementor Carlito Galvez, Jr kinsa misugilon nga angayan gayod sa katawhan nga magbantay ug dili masinopakon.
Sa usa ka press briefing, siya naghagit sa local government units nga i-prioritize ang pagpabarog sa mga isolation and treatment facilities aron mapahimutangan sa mga local cases ug arrivals. Sa pikas bahin, iya usab gisugyot ang pagbaton sa dugang volunteers aron i-destino sa mga isolation and treatment facilities nga tighatag encouragement sa mga pasyente sa COVID-19 aron kini dali nga makarecover sa ilang kahimtang. Hinuon, gidayeg ni Hernandez ang paningkamot sa Cagayan de Oro City Hall sa paghatag igong pagtagad sa mga local cases ug arrivals. (City Information Office)
