Napili sa Board of Investment kon BOI ang dakbayan sa Cagayan de Oro isip usa sa mga pilot areas sa implementasyon sa ilang proyekto nga ginganlan og ‘Project Investment CARE.
Kini ang gibutyag sa mga opisyal sa BOI-Cagayan de Oro Extension Office human mibisita sa buhatan ni Mayor Klarex Uy sila si BOI Supervising Investments Specialist Irwin Jayson Jamaca ug Chief Investments Specialists Lourdes Ellen Kionisala aron i-presentar ang nahisgutang programa.
Ang Project Investment CARE usa ka cyber-based system alang sa pagkuha ug pag-access sa mga impormasyon mahitungod sa ‘ready-for-occupancy (RFO) locations’.
Sigun pa ni Jamaca nga ang proyekto makatabang og dako sa mga ‘potential investors’ ilabina sa ilang pagpakisayod kon ‘data gathering’ ug pagkuha sa mga importanteng impormasyon nga mahimong sumbanan sa ilang pag-negosyo sa usa ka lugar.
Sa iyang kabahin, mapasalamaton si Mayor Klarex Uy sa lakang sa mga kadagkoan sa BOI tungod kay ang pagsulod sa mga negosyo dinhi sa Cagayan de Oro dakong tabang aron mobangon sa hingpit ang ekonomiya sa dakbayan gikan sa pandemya.
(News & photo courtesy of City Information Office – Cagayan de Oro)