Radio Philippines Network
DXKO CDO News Provincial News

CdeO Nakatala Sa 30 Ka Kaso Sa COVID-19 Sud Sa 3 Ka Adlaw

Nakatala og 30 ka dugang kaso sa coronavirus disease (Covid-19) ang Cagayan de Oro sulod sa tulo ka adlaw, gikan Disyembre 30, 2020 hangtod Enero 1, 2021.

Tulo niini returning overseas Filipino workers (ROFs) ug 27 ang local transmissions, sumala sa report sa City Health Office Sabado, Enero 2,2021.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 2,847.

Matud ni Acting City Health Officer Dr. Lorraine Nery, sa 27 ka bag-ong lokal nga kaso, 10 ang close contacts sa mga pasyenteng nagpositibo sa coronavirus, usa niini piniriso, upat ang authorized persons outside residence (Apors), ug 12 and local index cases.

Sa 2,847 nga kinatibuk-ang kaso sa Covid-19 sa syudad, 403 ang returning overseas Filipino workers/locally stranded individuals (ROFs/LSIs) ug 2,444 ang local transmissions.

Ang Cagayan de Oro adunay 253 ka mga active cases, 85 niini na-admit sa Northern Mindanao Medical Center ug uban pang mga ospital sa syudad, 161 ang mga outpatients, ug pito ang mga ROFs/LSIs.

Nakatala usab og 37 dugang recoveries ang dakbayan.

Anaa na karon sa 2,453 ang ihap sa mga nakarekober sa Covid-19.

288 ang LSIs, 106 ang ROFs, ug 2,059 ang lokal nga kaso (community: 1,733; Apors: 326).

Ang ihap sa mga namatay sa Covid-19 sa syudad anaa sa 141. (City Health Office – CdeO)

Related posts

14 Days Quarantine Sa Mga LSI Ug ROF Dapat Kumpleto, Kag. Gacal

RPN

Damaged Sa Bayay Na Nasunog Sa Km.5 Mikantidad Sa Duha Ka Milyon Ka Pesos

RPN

3 Arrested, ₱16, 000.00 Shabu Seized In Anti-Illegal Drugs Ops

RPN