CAGAYAN DE ORO CITY- Sa tinguha nga mapalig-on ang disaster preparedness and response capabilities sa lokal nga kagamhanan, ang syudad mopalit sa ilang stocks sa bugas nga sa ingon matubag ang panginahanglanon sa panahon sa emerhensya nga nagsumikad sa natural o man-made calamities. Kini tapos gipalabang sa konseho nga gipamunuan ni Vice Mayor Rainer Joaquin U yang ordinansa nga nag-authorize kang City Mayor Oscar Moreno sa pagsulod ug paglagda sa us aka Memorandum of Agreement (MOA) Uban sa National Food Authority (NFA) alang sa maong katuyuan.
Sa iyang sulat ngadto sa City Council, si Mayor Moreno nag-ingon nga ang pagpalit sa bugas bintaha alang sa syudad ilabi na kay ang presyo niini regulated man sa gobierno.
Nasayran nga silong sa MOA, ang NFA mobaligya sa bugas pinaagi sa cash o credit subay sa nauyunan sa mga concerned reginal/provincial manager ug silong sa katuyuan nga nahilatid sa general provisions.
Ubos sa maong kasabutan, ang NFA mo-issue sa billing statement sa syudad sa ilang pagpalit sa bugas kon kini utangon suds a lima ka adlaw gikan sa petsa sa pagkuha sa maong produkto. Sa kabahin usab sa dakbayan sa Cagayan de Oro, sila mosubmit sa hingtungdan NFA Provincial Office sa higayon nga lagdaan na ang MOA.
Sa pagkakaron, girepaso na ug giendorso ang maong lakang sa committees sa social services ug sa laws and rules.