Cagayan deo Oro City – Menus man tuod mga programa alang sa Pasko karong tuiga apan himuon gihapon kani nga mabulukon bisan ipahigayon na lang kini virtually tungod sa Covid-19 pandemic.
Matud pa ni City Tourism Officer Chedilyn Aissa Delguime ang nahan-ay nga mga kalihokan nag-apil na sa Bangga sa Daygon (Caroling Contest), Indigay sa parol (Christmas Lantern Décor Contest) ug Paskorela (Contest for Best Christmas Theme Decorated Motorela) nga diin i-pre record ang ilang performance ug videos alang sa Evaluation sa Panel of Judges.
Ang mga kalihokan sa Pasko sa Cagayan de Oro gisugdan pinaagi sa Symphony of Lights nga giunhan ni City Mayor Oscar Moreno ug mga sakop sa Konseho ning syudad niadtong nakalabay nga semana.
Sa pikas bahin, gisugilon usab ni Deguime nga aduna poy gilusad nga Christmas Bazaar nga molungtad kini sa usa ka bulan nga gisalmotan sa small ngadto na sa medium enterprises diin kini gipasiugdan usab sa city social welfare and development office. (City Information Office)
