Mitunol ug cash assistance ang buhatan ni Davao City First district Congressman Paolo “Polong” Duterte ngadto sa mga residente ng biktima sa sunog sa Punta Dumalag, Barangay Matina ning siyudad sa dabaw.
Gawas sa cash assistance duna usa’y gihatag nga napulo ka kilong bugas ug canned goods ngadto sa mga biktima gikan pa gihapon sa Congressional Office nga gitunol mismo sa mga staff ni Congressman Polong.
Mukabat ngadto sa 141 ka mga house owners, 8 ka mga sharers, 16 ka mga renters ug usa ka boarder biktima sa sunog sa maong dapit nga mi-ulbo niadtong milabay nga adlaw.
Subay sa final validation sa Davao LGU, 34 ka pamilya ang apektado sa Matina Aplaya 75-A, 57 ka pamilya sa Alpha San Lorenzo, 37 ka pamilya sa Shanghai Gym ug 13 ka mga pamilya gikan sa Dumalag 3 Gym.
Gipasalig ni Congressman Polong Duterte ngadto sa si kinsa nga lakip sa nasunogan nga kung dunay gipamati nga problema sa panglawas, mamahimong muduol gilayon sa iyang buhatan aron mahatagan ug igong pagtagad.
(Source: Office of Davao City First Congressional District)