Davao City – Nakahan-ay na ang mga kalihukan alang sa Cancer Awareness Month nga pasiugdahan sa Department of Health inabagan sa nagkalain laing sector sa Katilingban.
Sumala pa kang Dr. Aileen Borje sa Philippine Society of General Surgeon diin sumala pa niya nga ang cancer nag-una nga hinongdan sa kamatayon sa mga kababayen-an, labi na sa breast cancer. Mas maayo gayud gihapon nga sayo pa lamang mamatikdan na sa pasyente ang iyang gihanbin nga balati-an aron nga dali ra ang pagsanta niini.
Sumala pa kang Dr. Borje nga kaganinang buntag gipahigayon na nila ang pink run na sila nga gipahigayon sa People’s Park.
Karong Oktubre 24, duna sila’y ipahigayon nga lay forum nga ipahigayon sa Southern Philippines Medical Center (SPMC) nga magsugod sa alas 7:00 hangtud na sa hapon. Sa nahisgutan nga oras dunay mag-lecture bahin sa breast cancer.
Samtang dunay lay forum, dunay sa’y libre nga consultation. Kung duna’y nangihananglan nga i-ultra sound, duna sa’y ultra sound, kadtong nanginahanglan nga i-biopsy, i-biopsy sab sila.
Dugang pa ni Dr. Borje nga baynte hangtud sa singkwenta ka mga motambong sa nahisgutan nga forum ang makapahimulos sa libre nga ultra-sound ug biopsy.
Libre ang nahisgutan nga forum ug mamahimo sila nga magpakonsulta atol sa maong kalihukan.
