Iriga City — Huli sa padagos na pagsipa kan mga kaso nin covid-19 sa probinsya nin Camarines Sur, mismo na si Gov. Migz Villafuerte an naghurot ngunian sa Bicol IATF na ilangkaw an quarantine classification sa probinsya sa pagtubod na makakatabang ini tanganing maibitaran an padagos na local transmission.
Tinaw’an nin duon kan Gobernador sa surat kaini petsado Sept. 12, 2021 saiyang sinabi na kun dati may average sanang 70 kaso ara-aldaw, alagad ngunian nag-abot na sa average na 150 O mas naglangkaw an ulakitan sa mga lugar kun sain dati ng deklarado na yaon sa alert level 4 kan pandemya.
Kabali sa mga lugar na boot isa-irarom kan Gobernador sa GCQ iyo an mga banwaan kan Canaman, Lagonoy, San Jose, Baao, Bombon, Calabanga, Lupi, Iriga City, Nabua, Goa, Libmanan, Pasacao, Pili, Ocampo, Bato, Balatan, Buhi, Camaligan, Milaor, Minalabac, Pamplona, Tigaon Bula, Caramoan, Magarao, Presentacion, Ragay, Sipocot asin Tinambac.
Apuera sa paglangkaw mas pang pinaghahandalan kan Gobernador an man lain-lain na variants of concern na inot naman na kinompirmar kan DOH na presente na sa Camarines Sur.