Subay sa kampanya sa Department of Health (DOH) bahin sa Resbakuna Kasangga ng Bida, gipasiugdaan ni Dr. Calingasan ang pagbakuna alang sa kadaghanan aron mapanalipdan ang Misamisnon batok makamatay nga virus.
Subay niini, gihangyo ni Provincial Inter-Agency Task Force Chief Dr. Jerie Calingasan ang tanan nga mga Department Head sa Kapitolyo Probinsyal nga ilista ang tanan nga wala pa nabakunahan nga mga empleyado ilawom sa ilang tagsa-tagsa ka departamento ug buhatan nga magpabakuna.
Kini pinasubay sa nagpadayon nga A4 nga prioritization framework sa pagbakuna diin gipunting ang tanan nga mga empleyado sa Kapitolyo Probinsyal nga mabakunahan.
“Gihangyo ko ang tanan nga mga Head sa Department nga kung kinsa pa ang inyong kauban, ang inyong mga miyembro nga wala pa naka bakuna nga gusto nga bakuna aron makuha ang natog nga alokasyon alang sa atong Miyerkules nga pagbakuna,” ingon ni Dr. Calingasan.
Kasamtangan, malipayon nga gipahibalo sa Provincial Health Office ang pagminus sa mga kaso sa COVID-19 sa probinsya diin gilauman ni Dr. Jerie Calingasan nga magpadayon kini nga maminusan kauban ang pagpalig-on sa roll-out sa pagbakuna sa probinsya.
Sa kanunay dako ang pagtoo ni Gobernador Bambi Emano nga ang pagbakuna mao ang pinakamaayong paagi ug solusyon aron maminusan ug mapatag ang kurba sa mga kaso sa COVID-19 nga adunay dakong paglaum nga ang herd immunity makab-ot sa dili madugay sa probinsya.
(Source: PHO-MisOr)
