Subli’ng gipailawom sa Alert Level 1 ang dakbayan sa Cagayan de Oro sugod Marso 16 hangtod 31 basi sa bag-ohay lang gipagawas nga alert level status sa Inter-Agency Task Force sa nasud.
Ubos sa Alert Level 1, mahimo mag-operate ang mga establisemento sa 100% maximum capacity, apan gipahinumduman gihapon ang publiko nga mosubay sa minimum public health standards, hilabina sa mga lugar diin nagpunsisok ang katawhan.
Ang pagluag sa alert level sa dakbayan gumikan sa padayon nga pagkunhod sa mga kaso sa Covid-19; pagkab-ot sa target vaccination targets, ug paglambo sa health facilities and capacity sa dakbayan.
Kahinumduman nga sugod niadtong Marso 1 gipailawom na sa Alert Level 1 ang dakbayan, lakip ang probinsya sa Camiguin, samtang ang laing mga kasikbit nga lugar nagpabiling anaa sa Alert Level 2.
(Source: Sangguniang Panglungsod | Cagayan de Oro City Philippines Facebook page)
