- Advertisement -
GIBUKSAN na sa publiko sa miaging gabii, Disyembre 3, ang 2021 Symphony of Lights sa Cagayan de Oro City isip usa sa mga highlights atol sa kasaulogan sa Pasko ning tuig.
Ang tinuig nga pasundayag sa Christmas lights and sounds masaksihan matag alas 6:00 gabii diha sa Cagayan de Oro City Hall, Gaston Park, ug Ysalina Bridge atol sa Christmas season.
Gipahigayon ang usa ka programa alang sa paglusad sa maong kalihukan diin misalmot ang pipila ka mga opisyales sa dakbayan ug nabati usab ang Christmas message ni Mayor Oscar S. Moreno.
Magsilbing simbolo sa paglaum ug kalipay ang Symphony of Lights alang sa mga Kagay-anon aron mabati ang kamahinungdanon sa Pasko taliwala sa mga pagsulay nga dala sa pandemya.
(Source: CIO)
- Advertisement -