Cagayan de Oro: Satellite office gipahimutang sa Puerto brgy hall alang sa business renewal ug registration

0
1

Sa tinguha nga maalagaran ang mga negosyante nga layo sa sentro sa syudad, nagpahimutang ang kagamhanang lokal pinaagi sa City Treasurer’s Office og on-site satellite office diha sa barangay hall sa Barangay Puerto sugod Enero 16 hangtud Enero 20, 2023.

Sumala ni Divina Dablio, Assistant City Treasurer for Administration, maserbisyohan sa maong on-site satellite office dili lang ang mga negosyante sa Barangay Puerto, apan lakip na kadtong anaa sa mga silingang barangay.

Sama sa city hall, one-stop shop usab kini alang sa renewal sa business permits ug pagrehistro sa bag-ong negosyo, lakip paglukat sa cedula ug uban pang bayronon, matud ni Dablio.

Dili momenos sa 30,000 ka mga negosyo dinhi sa Cagayan de Oro ang gilaumang magpa-renew sa ilang business permit karong tuiga.

Source: CIO-Cagayan de Oro

LEAVE A REPLY

Please enter your comment!
Please enter your name here