Cagayan de Oro City – Gihimo na karong adlawa sa kampo Alagar ning dakbayan ang multi-sectoral agency send-off ceremony alang sa pwersa nga molangkob sa hapsay nga eleksyon sa Mayo 9 dinhi sa Amihanang Mindanao.
Maoy katuyuan niini mao ang pagpatunhay sa matinud-anon nga piliay ug kontrahon ang unsa mang matang sa paghimog kagubot atol sa eleksyon. Ang maong grupo gilangkoban sa mga ahensya sa gobierno ug pribadong sektor.
Sa pikas bahin, gitakda na usab nga ipahigayon ang final testing sa sealing sa kapin kinyentos ka mga vote counting machines o VCMs nga maoy gamiton sa piliay sa adlawng Lunes.
Maoy tuyo niini ang pagsuta sa mga makina kon wala bay mga depekto, sumala pa ni Atty. Rowell Valledor, ang City Election Officer sa Cagayan de Oro.
Gidugang ni Atty. Valledor nga adunay mga dapit nga sayo ang deployment sa kagamitan ilabi na sa mga bukid nga lisod ang lokasyon.
Source: (PNP-Region 10)