Ang buhatan sa Provincial Clean and Green maoy usa sa mga sinaligan nga buhatan ni Gobernador Bambi Emano aron magmintinar sa kalimpyo sa palibot sa Kapitolyo Probinsyal.
Gipaambit sa Provincial Capitol Park ang ilang mga kalampusan kabahin sa pagpabiling hinlo nga palibot sa kapitolyo.
Gikan sa tuig 2014 hangtod sa Abril 2019 sa wala pa ang pandemya sa Covid-19 gatusan ka mga kalihokan ang gihimo sa parke sa kapitolyo sama sa pag dagsa sa mga mahiligon sa Zumba matag buntag ug hapon hilabina nga gihingusgan sa pamunoan ni Governor Bambi Emano nga magpabiling himsog ang panglawas sa Misamisnon labina mga senior citizens.
Adtong mga tuiga nakadawat usab og buhatan og nagkalain-lang hangyo sa paggamit sa parke gikan sa mga partner agencies, pribado o gobyerno ug nag-abang ug ngani man dako ilang pasalamat sa amahan sa lalawigan nga walay balibad sa ilang hangyo.
Gawas niini, kabahin usab ang Capitol Park Clean and Green Office sa nagpahigayon og duha ka adlaw nga Clean Up sa Mt. Balatukan sa lungsod sa Claveria atol sa Ika-24 nga anibersayo sa pagkahagsa sa Cebu pacific Flight 387.
Ang pay parking maoy usa ka serbisyo nga nagsugod niadtong last quarter sa tuig 2014 hangtud sa Disyembre tuig 2019 ug ang pagpatuman niini dili lang aron maka-income apan makabaton og kalinaw, hapsay ang capitol parking.
Lakip sa mga serbisyo sa Capitol Park ang Pag-isyu sa Cash Tickets sama sa bayad sa CR Vendor, Taxi, Paggamit sa elektrisidad gikan sa mga end user, Pag-abang sa luna, Bayad nga parking.
Gumikan niini nga mga serbisyo mikita ang buhatan og ₱ 1.6 milyon. Kung unsa kalimpyo ang Capitol Park nga namintinar sa Capitol Clean and Green Office mao sab kini ang kalimpyo ug kamatarong nga pagserbisyo sa administrasyon ni Gobernador Bambi Emano nga maoy nasunod ug gihimong ehemplo sa mga nagkalain-laing buhatan nga himoun ang ilang tahas sa pagpangatungdanan nga puno sa transparensya ug sinsero nga pagpangalagad.
(Source: Misamis Orinetal PIO | Misamis Oriental Provincial Information Office Facebook page)
