Nagmabulokon ang pagsaulog sa dakbayan sa ika 73 nga annibersaryo sa pagkahimugso sa syudad kon Charter Day dungan sa paghatag ug state of the city address ni Hon. Mayor Rolando Klarex Uy diin siya mipadayag usab sa iyang annual report alang sa tuig 2023 gahapong adlawa didto sa Aquilino Q. Pimentel Jr. International Convention Center
Ang maong programa gisugdan sa misa pasalamat, gisundan sa commemorative program diin mihatag sa iyang Welcome Adress si City Administrtor Atty. Roy Hilario Raagas, pagpakita sa gigikanan o history sa dakbayan, ug inspirational message ni Bise Mayor Jocelyyn Bebot Roriguez diin iyang gipunto ang termino nga “Stand United” kauban ang iyang mga kaubanan sa konseho lakip na ang pakipagtimbayayong ug pasalamat niini sa adminstrasyon ni Mayor Klarex Uy alang sa pag alagad sa katawhan.
Sa ikaduhang parte sa programa, mao ang pagdungog sa state of the city address ni Mayor Klarex Uy diin iyang gi-padayag ang iyang dakong kalipay sa mabungahon nga unang tuig sa iyang pagpangalad ubos sa iyang RISE CDO AGENDA.
Malipayon ug mapasigarbuhon nga gipaambit sa mayor ang pagkab-ot sa pinakadakong budget sa dakbayan nga miabot ug 7.8Billion pesos isip maoy gigamit alang sa pagpatunhay ug plastar sa mga proyekto nga nasukip sa Agenda sa iyang adminsitrasyon.
Lakip sa iyang gipasigarbo ang padayong pagbubo sa mga investor sa syudad nga usa sa mga hinungdan sa ekonomiya sa dakbayan apil na sa giluwatan sa mayor ang ka mahinungdanom sa pagbalanse sa edukasyon ug enforcement sa syudad.
Sa katapusan s mensahe sa mayor iyang gipasalamatan ang gobermador sa misamis orie tal nga si Gob peter sr unabia nga anaa sa maong programa tungod kay sa unang higayon nagkahiusa ang dakbayan ug lalawigan kon gitawag nga one Cagayan one Mis or.
Gipadayag usab niini nga andam syang makighisgot nijni aron mahilakip ang programa niini sa dakbayan. (Cheleste Simene, photo from Mayor Rolando “Klarex” Uy SOCA files)