Mokabat sa 2,350 ka mga trabaho ang naghulat sa mga aplikante sa ipahigayong Paglaum job fair karong Enero 19 ning tuiga.
Ang nahisgutang job fair diha sa Atrium Limketkai Center gipasiugdahan sa Public Employment Service Office sa kapitolyo probinsiyal uban Department of Labor and Employment Misamis Oriental field office.
Ang nahisgutang mga trabaho gikan sa manufacturing, construction, agriculture, advertising, marketing, food and beverage ug uban pa.
Moabot sa sitenta ka kompanya sa pribadong sektor ang gilaumang motambong niini nga kalihokan. Mosalmot usab ang buhatan sa Bureau of Jail Management and Penology (BJMP), Philippine Army (PA), Philippine National Police (PNP), National Bureau of Investigation (NBI), Social Security System (SSS), Home Development Mutual Fund (HDMF), ug Philippine Overseas Employment Administration (POEA).
(Source: PIO – Misamis Oriental, photo courtesy by Niel Diaz)