Hugot nga nagpasalamat si Misamis Oriental Governor Bambi Emano nga karon napiling kongresista sa ikaduhang distrito sa probinsya ngadto sa katawhan sa kanyang kadaugan sa bag-ohay pa lamang gipahigayon nga eleksyon. Matud niya ang maong kadaugan, reflection sa pagpaningkamot ug pagkugi sa iyang liderato sa pagpadayon sa iyang matinud-anong pagserbisyo.
Si Emano nahimo nang kongresista sa segundo distrito sa MisOr niadtong 2007 hangtud 2013. Mao kini ang higayon nga balikan niya ang maong katungdanan tapos sa iyang tulo ka termino nga nahimong gobernador sa probinsya.
Uban kang Governor-elect Pedro Unabia ug Vice-Gov Jigjag Pelaez sa ilang Team Paglaum, sila mipaabot sa ilang dakong palipay uban ang pasalig nga pagtunol sa kinasingkasing nga serbisyo ngadto sa katawhan.
(Source: Misamis Oriental Provincial Information Office Facebook page)