Cagayan de Oro: Mga sidewalk vendors ug mamaligyaay ug sapatos sa may JR Borja Street Cogon, gibawalan na nga magdisplay sa paninda

0
3

Nahukman ni Cagayan de Oro City Mayor Rolando Klarex Uy nga dili na tugtan ang mga sidewalk vendores nga mamaligya sa JR Borja St. Cogon, syudad sa Cagayan de Oro City.

Kini atol sa gipahigayong inspection niadtong sabado sa gabii kauban ni City Councilors Eric Salcedo, SK Federation president John Michael Seno, ug Roads and Traffic Administration head Engr. Nonito Oclarit.

Sa maong inspecksyon, si Mayor Klarex naglaraw nga mandoan ang RTA nga pintalan ang mga karsada gamit ang demarcation lines diin gitugotan lang ang mga vendor nga makabaligya sa ilang mga butang ug baligya karong panahon sa Pasko.

Samtang, gimandoan usab sa mayor si Engr. Oclarit sa pagpangita ug temporaryong lugar diin mamahimong magdisplay ang mga tigbaligya ug sapatos sa may JR Borja St. gikan alas sais sa gabii. Dugang pa, limitahan usab ang kalapdon sa lamesa ngadto sa isa ug tunga ka metro nga mamhimong displayhan sa ilang mga baligya.

Hisayran nga gihatagan sa mayor ug higayon ang mga mamqligyaay sa pagdisplay apan nasobraan na kini ug karon sya na usab ang muhatag ug desisyon. (Cheleste Simene
photo courtesy of CMO | Cogon Market Surprise Inspection taken last November 5, 2022)

Leave a Reply