Mogahin si Mayor Rolando ‘Klarex’ Uy og P10 milyones pesos nga balor sa mga proyekto alang sa kalamboan sa Barangay Puerto.
Kini ang giluwatang pamahayag ni Mayor Klarex atubangan sa katawhan sa barangay Puerto atol sa pagpakayab sa nasudnong bandila karong adlawa, Pebrero 27 ning tuig.
Sumala pa sa mayor nga maghulat siya kang Kapitana Josephine Dua sa iyang buhatan aron paghisgot kung unsa nga mga proyekto ang ipatuman sa Barangay Puerto nga pundohan sa syudad.
Atol sa maong programa, nagpasalamat og dako si Kapitana Dua sa pamahayag ni Mayor Klarex ug gipasalig niini nga andam siya makigtambayayong sa mayor tungod ug alang sa kabulahanan sa katawhan sa Barangay Puerto.
(News & photo courtesy of Cagayan de Oro – CIO)