Pormal nang gilagdaan ang usa ka Memorandum of Agreement (MOA) tali sa LGU-CDO ug Ayala Foundation, Inc. (AFI) kalabot sa implementasyon sa CENTEX Early Childhood Care and Development (CENTEX ECCD) program, Agosto 4, diha sa City Tourism Hall, ning siyudad.
Mismo si Mayor Rolando “Klarex” Uy ug AFI Human Resources & Corporate Services Division Senior Director Adrian Villanueva ang milagda sa kasabutan ug gisaksihan ni AFI Mindanao Area Senior Manager Garrett Paolo Nolasco ug City Social Welfare and Development (CSWD) Department Officer Anecia Tongson.
Kahinumduman nga napili ang Cagayan de Oro isip pilot city sa CENTEX ECCD Program, usa ka 1-year teacher training ug mentoring program, diin tudloan og dugang kapasidad ang mga child development teachers.
Kini i-implementar sa 10 ka Child Development Centers (CDC) sa pipila ka barangay ning siyudad ug 20 ka Child Development Teachers (CDT) lakip school administrators ning siyudad alang sa school year 2023-2024.
Mitambong usab sa kalihokan sila si Committee on Education Chairperson City Councilor Suzette Magtajas-Daba, CENTEX-ECCD Program Manager Patricia Uy, CENTEX-ECCD Program Officer Rica Joven ug CENTEX – Training Institute Program Officer Eamon Ulibarri, CSWD Community and Social Development Unit Head Joan Acraman, mga CDTs, ginikanan, ug gagmay’ng kabataan.
Gawas sa MOA signing, pormal usab nga gitunol sa AFI ang learning resources ngadto sa mga CDTs.
(News & photo courtesy by Cheleste Simene)