Gipahigayon ang groundbreaking ceremony alang sa land development sa Muslim-Christian and Homeville relocation sites ilawom sa BALAI program nga nahimutang sa Palalan, Barangay Lumbia, Sept. 8, 2022.
Kini subay sa kamanduan ni Mayor Rolando `Klarex’ Uy nga walay mabiyaan sa housing program nga iyang gipa-paspasan sa tinguha nga maatiman ang daghang informal settler families (ISFs) nga nanginahanglan og balay.
Ang kalihokan ubos sa inisyatiba sa City Housing & Urban Development Department (CHUDD) sa pagpangulo ni Atty. Jeoffrey D. Namalata, uban ni Kagawad Edgar Cabanlas, mga kadagkuan sa Department of Human Settlement & Urban Development (DHSUD), Social Housing Finance Corporation (SHFC), Cebuland Masters, ug mga opisyales sa duha ka homeowners associations.
Sa iyang mensahi, gipasalamatan ni Kag. Cabanlas ang kooperasyon sa mga ahensya sa gobyerno ug pribadong sector nga kanunay nagsuporta ug nagtabang sa housing program sa administrasyon ni Mayor Klarex.
Gani sa iyang programa nga `Inyong Alagad, Mayor Klarex Uy’, gipasalamatan ni Mayor Klarex si Atty. Namalata ug ang kinatibuk-ang departamento sa CHUDD tungod sa paspas nga pag-atiman sa mga benepisyaryo ug sa katawhan diha sa ilang panginahanglanon og desenteng pinuy-anan.
(Source: CIO-Cagayan de Oro)